نكت جامدة جدا ( عن الثورة )

* هو ده الشعب المصري في أي وقت ، في أي مكان ، في أصعب الأوقات ، لا تفارقه النكته ، وهذا ما يميزه عن غيره هذا سبب عظمة هذا الشعب :

* بعض النكت :
- أمنية واحد مصري : ياريت مبارك كان ضربنا احنا الضربة الجوية ، وراح حكم اسرائيل 30 سنة ، كان زمانهم بيشحتوا دلوقتي .
- الرئيس يعلن في بيان : وفاء مني لمصر ورغبة في تلبية طلبات الشعب ، فلن أرحل حتي أحقق مطلب الشعب في القبض علي السفاح ومحاكمته .
- واحد لقي الفانوس السحري ودعكه ، طلعله العفريت وقاله : شبيك لبيك تطلب ايه ؟ قاله الرجل : أنا عايز كوبري بين القاهرة وأسوان !!! العفريت قاله : دي صعبة قوي ، اطلب حاجة ثانية ، الراجل قاله : خلاص خلي حسني مبارك يرحل ويسيب الحكم .
العفريت قاله : انت عايز الكوبري رايح جاي ولا رايح بس ؟
- بلطجي لقناة العربية : العيال بيرموا علينا قنابل ( بلوتوث ) .
- شهود عيان في أروقة وزارة التربية والتعليم تفيد بأنه قد تم تأجيل امتحانات الدور الثاني الي أجل غير مسمي ، معللة ذلك بأن النظام سقط وعاوز وقت عشان يلحق يذاكر .
- عقد مبارك جلسة مع وزير الداخلية السابق حبيب العادلي قاله محتدا : منعت الحشيش يا فالح ؟ أهو الشعب صحصح .
- عمر سليمان : حسني مبارك ده أبونا كلنا ، رد واحد محشش : ده احنا طلعنا ولاد حرام يارجاله .

[u]* ومن أطرف الشعارات :[/u]
- رابطة النجارين في مصر يسألوا الأسطي مبارك : ما نوع الغراء الذي تستخدمه .
- ارحل يا عم الولية عايزه تولد والواد مش عايز يشوفك .
- ارحل عايز أتجوز .
- ده لو كان عفريت كان طلع .
- لو ما استحمتش النهارده في بيتنا ، هستحمي يوم الجمعة في قصر الرئاسة .

[u]* وردا علي اتهام المتظاهرين بالعمالة وتلقي أموال من الخارج :[/u]
- رد المتظاهرين بهذا النشيد :
أنا مندس ، أنا مندس ، هاتلي أجندة ووجبة وبس
من هارديز أو من كنتاكي ، هاتلي وجبة دنر بوكس
أو سوبر زنجر من غير خس
هاتلي أجندة من الفجالة أعمل بيها ثورة في مصر
أنا مندس ، أنا مندس ، وكل الشعب كمان مندس
كل الناس هنا مش عايزينك ، وانت ياحسني مش بتحس
كل فضايحك ، كل جرايمك ، كله موجود علي ويكيليكس
أنا مندس ، أنا مندس ، عندي أجندة مستر اكس